Santiago de Compostela, 5 de marzo do 2010. A portavoz de Igualdade do Grupo Parlamentario Socialista Silvia Fraga presentou hoxe en rolda de prensa diversas iniciativas rexistradas na Cámara Autonómica nas que reclama ao Goberno de Feijoo, por un lado poñerlle deberes á Xunta para que esperten do letargo no tocante ás políticas de igualdade, e por outro denuncia que o Goberno Galego quere suprimir o Servicio Galego de Promoción da Igualdade do home e da muller. Acusou a Feijoo defender políticas sociais mais a dereita de Manuel Fraga. 

Silvia Fraga lembra que O SGI é un organismo autónomo da Xunta de Galicia creado no ano 1991, que ten entre os seus obxectivos a promoción da igualdade nos ámbitos familiar, laboral e político. Sinala que foi aprobada estando ó fronte do Goberno da Xunta de Galicia Manuel Fraga, e ten coma finalidade establecer que este organismo debería existir mentres persistan calquera tipo de situación discriminatoria.

A portavoz de Igualdade  preguntouse si para o Partido Popular xa non existe discriminación, e si esto é que entende Feijoo por austeridade, e si as que teñen que “pagar o pato” da austeridade son as mulleres galegas. Ademais lembrou as palabras de Feijoo nas que afirmou que a austeridade non ía a afectarlle nunca a cuestións fundamentais e menos as políticas sociais.

Queda moito por facer en materia de Igualdade

Reclama ao Goberno Galego, mediante unha Proposición, identificar e abordar os obstáculos que dificultan a participación das mulleres nos ámbitos de responsabilidade, promover a igualdade de xénero na Acción Exterior, promover a corresponsalidade no ámbito doméstico e desenvolver o marco normativo do que dispoñemos, a Lei 2/2007 do traballo en igualdade das mulleres de Galicia incorporando realmente a transversalidade de xénero nas políticas da Xunta de Galicia

Dende o Grupo Parlamentario Socialista tamén quixemos sumar a conmemoración deste día reiterando moitas das nosas demandas en materia de igualdade, pero sobre todo poñer de manifesto todo o que non se está facendo.

A portavoz de Igualdade do Grupo Parlamentario Socialista di que hai unha autentica “deixadez” por parte da Xunta en políticas de Igualdade. “É moito o que hai que facer en materia de igualdade e moi pouco o que están facendo”, espetou.

Silvia Fraga denuncia que nin sequera están cumprindo cos imperativos legais, cos mandatos recollidos na Lei de Igualdade no Traballo en Galicia. A deputada enumerou actuacións recollidas na normativa e paralizada por Feijoo. Aludiu ao desenvolvemento dos Plans de Igualdade nas empresas, a promoción da Igualdade na negociación colectiva, a  potenciación de medidas de conciliación nas actividades de formación ou a Marca Galega de Excelencia en Igualdade.

Na iniciativa rexistrada propón tamén o desenvolvemento dos Plans de Igualdade nas empresas e potenciar medidas de conciliación nas actividades de formación. E cualificou estas demandas coma “terribles”, tendo en conta que non adoptaron ningún tipo de medida parta facerlle fronte a crise.

Por último definiu a folla de ruta de Feijoo no tocante as políticas de Igualdade coma as do revisionismo. “Non só destrúen as políticas de igualdade, as políticas sociais do anterior goberno- afirmou- se non que aniquilan as políticas de igualdade dun goberno de Manuel Fraga, algo que nos leva a pensar que o actual PP se sitúa moi a dereita do PP de Manuel Fraga”, concluíu Fraga.