1. Formar ós afiliados como axentes dinámicos de movilización e representación cidadán contribuindo a perfeccionar as bases e procedementos organizativos do Partido dos Socialistas de Galicia (PSdeG-PSOE).

 

2. Prestar apoio formativo específico ós cargos públicos e candidatos que concurran nas listas electorais do Partido dos Socialistas de Galicia (PSdeG-PSOE).

 

3. Mellorar a formación dos cargos orgánicos do Partido para que conten coas mellores ferramentas para contar con agrupacións municipais dinámicas ó servizo dos cidadáns.

 

4. Apoiar os responsables e axentes electorais para perfeccionar a estructura electoral do PSdeG-PSOE.

 

5. Promover, entre os afiliados e votantes do Partido dos Socialistas de Galicia (PSdeG-PSOE) e a cidadanía en xeral, actividades, debates e reflexións de interese e actualidade política, vencellados ó espallamento dos valores do socialismo democrático e máis ó afortalamento das bases electorais do Partido. 

 

6. Establecer canles de traballo coordinado e compartido con outras Escolas de Formación de Afiliados de outras organizacións socialistas,dun xeito especial coa Fundación Jaime Vera, como Escola de Formación de Afiliados do Partido Socialista Obrero Español (PSOE). A  Escola de Formación do Partido dos Socialistas de Galicia (PSdeG-PSOE), considérase integrada na Rede Federal de Formación do Partido Socialista Obrero Español (PSOE). 

 

7. Colaborar con outras Institucións que, sin teren ánimo de lucro, desenvolven actividades nos eidos do ensino e máis da formación de personas adultas, e mesmo da difusión dos valores cívicos e democráticos. 

 

 

Proponse que a Escola de Formación do PSdeG leve o nome de Francisco Fernández. Francisco Fernández foi un dos fundadores e o primeiro presidente da primeira Agrupación Socialista fundada en Galicia, que o foi na cidade de Ferrol, en 1881. 

 

Mestre de Escola, lidera un grupo de corenta militantes, afectos ós principios ideolóxicos que promovía en España daquela o tamén ferrolano Pablo Iglesias. 

 

Mais estes poucos militantes galegos, non só foron pioneiros na fundación da primeira Agrupación Socialista existente en Galicia, senón tamén en imprimir El Obrero, que foi o primeiro semanario do socialismo galego e, como primeiro gran éxito do seu esforzo militante, tamén de lograren un dos tres primeiros concellais socialistas que logrou en España o Partido Socialista Obrero Español: un en Bilbao, outro en Mataró e outro, Francisco Fernández, en Ferrol. 

 

Francisco tamén foi, pois, o primeiro concellal socialista galego. E co seu nome, en lembranza de tódolos compañeiros daquela nosa primeira Agrupación, queremos identificar a Escola de Formación de Afiliados do Partido dos Socialistas de Galicia. (PSdeG-PSOE). 

 

 

Como é habitual para este tipo de iniciativas, tamén esta se institucionalizará como fundación, a Fundación Francisco Fernández, de carácter CULTURAL e PRIVADA, que desenvolverá as súas actividades no eido do ensino e formación de adultos, como escola de afiliados do Partido dos Socialistas de Galicia (PSdeG-PSOE).

 

 

A Escola, con carácter presencial e máis on-line, desenvolverá actividades formativas de diverso carácter, principalmente:

 

⎯ Actividades formativas básicas: orientadas a mellorar as habilidades dos afiliados en materias de promoción e dirección asociativa, comunicación orgánica e institucional e xestión pública,a través dos Cursos da Programación Anual.

 

⎯ Actividades de interese e actualidade política: dirixidas a facilitar información e formación ós afiliados sobre cuestións que remarque o debate social e político circunstancial. Estas actividades terán preferentemente a forma de xornadas ou ciclos de conferencias monográficos.

 

⎯ Escola de Verán do PSdeG: a Escola acollerá cada ano a celebración da Escola de Verán do PSdeG-PSOE, como instrtumento de dinamización política e cultural da Organización. 

 

⎯ Actividades de Formación que demanden as distintas Areas da Comisión Executiva Nacional Galega.

 

 

Os afiliados xa poden contar co modelo de formación on-line que ofrece a Fundación Jaime Vera. Sin que iso impida que a Fundación Francisco Fernández desenvolva materiais propios para seren introducidos nela ou xestionados de maneira autónoma, o noso modelo preferente de formación terá, alomenos polo momento, carácter presencial. 

 

A modalidade de formación presencial ten a ventaxa de que, gracias ó contacto directo entre o profesor e os alumnos e mesmo deles entre sí, podan xurdir na práctica pedagóxica múltiples matices, máis adaptados á circunstancia peculiar de cada quén. 

 

A modalidade presencial tamén facilita que xurda un debate menos condicionado e encorsetado, tanto sobre os materiais e prácticas pedagóxicas como acerca da súa aplicación práctica entre os afiliados e as súas agrupacións. Esta é unha cuestión de interés crucial na formación política. 

 

Ademáis do dito, e dado este tipo de docencia que vimos de expoñer, o número de participantes en cada actividade terá que ser forzosamente reducido: non máis de vinte persoas por curso. Inicialmente partimos da dispoñibilidade de instalacións e profesorado para a celebración dun só curso por día. No caso de estas dispoñibilidades de ampliasen, tamén se ampliaría o número de cursos. Si hai exceso de demanda daráselle preferencia ós solicitantes que teñan encomendadas  responsabilidades organizativas e de representación política. 

 

 

As primeiras áreas formativas que desenvolverá a Escola, en colaboración coa Fundación Jaime Vera, de cuxa experiencia docente disporemos para a súa primeira implementación, serán as seguintes: 

 

1. Organización e dinamizacion electoral.

 

    ⎯ Formación de formadores/as. 

    ⎯ Acción Electoral: o desenvolvemento orgánico. 

    ⎯ Acción Electoral: o contexto social.

 

2. Habilidades sociais e directivas.

 

    ⎯ Area de Comunicación. 

         • Falando en público. 

         • Falando nos medios. 

         • Imaxen e voz nas tarefas de comunicación. 

         • Comunicación política. 

         • Gabinetes de comunicación.

 

    ⎯ Area Institucional. 

         • Protocolo.

         • Gabinetes.

 

    ⎯ Area de Dirección. 

         • Planificación estratéxica e dirección participativa. 

         • Técnicas de negociación. 

         • Coaching: liderazgo e o traballo en equipo. 

         • Dirección eficaz: habilidades do líder político

 

3. Xestión pública. 

 

    ⎯ Básico municipal. 

    ⎯ Monográficos municipais: 

         • A Dirección Económica do Concello: o Orzamento. 

         • Recursos Europeos para a acción municipal. 

         • Urbanismo e vivenda. 

         • Promoción económica: comercio e industria. 

         • Promoción cultural. 

         • Desenvolvemento sostible e xestión ambiental. 

         • Migracións e cambios poboacionais. 

         • A exclusión social.

 

4. A Agrupación Local. 

    ⎯ O planeamento do traballo por obxectivos. 

    ⎯ A formación de grupos de traballo por temas. 

    ⎯ Actividades orgánicas de interés social: 

          • Calidade de vida no entorno. 

          • Promoción do asociacionismo veciñal. 

          • Grupos sociais (xóvenes, mulleres, infancia, …) 

          • Presencia pública. 

          • A sede: centro de referencia social. 

      

           

Inicialmente, os cursos terán unha duración de sete horas, catro en quenda de mañán e outras tres na de tarde, e impartiranse os sábados, segundo un calendario anual que se lle comunicará ás agrupacións e ós afiliados con antelación. 

As instalacións e o número de formadores dispoñibles, poden permitir que se celebren máis de un curso simultáneamente, facilitando a ampliación do abano de actividades. 

 

O período anual de actividades da Escola irá de xaneiro a xuño. 

 

En setembro-octubro celebraráse a Escola de Verán. 

 

Entre octubro-novembro a Escola realizará labores de programación e de formación de formadores para o período formativo inmediato, e procederá a abrir o plazo de inscripción dos afiliados que queiran participar nos cursos programados.